Məxfilik Siyasəti

DR.Time (app.doctor-time.com və DR.Time mobil tətbiqi) stomatoloji klinikalar üçün idarəetmə sistemidir. Bu sənəd hansı məlumatların toplandığını və necə qorunduğunu izah edir.

1. Toplanan məlumatlar

• Klinika məlumatları: klinika adı, əlaqə e-poçtu və telefonu — qeydiyyat zamanı verilir.
• İstifadəçi hesabları: ad, e-poçt, telefon, rol (admin/həkim/resepşn). Şifrələr geri qaytarıla bilməyən şəkildə heşlənir.
• Xəstə qeydləri: klinikanın öz xəstələri barədə daxil etdiyi məlumatlar (ad, telefon, randevu, müalicə və ödəniş qeydləri). Bu məlumatların sahibi klinikadır; DR.Time onları yalnız klinikaya xidmət göstərmək üçün saxlayır.

2. Məlumatların saxlanması və izolyasiya

• Hər klinikanın məlumatları ayrıca verilənlər bazasında saxlanılır — klinikalar bir-birinin məlumatlarına çata bilməz.
• Bütün əlaqə HTTPS (SSL) ilə şifrələnir.
• Gündəlik avtomatik ehtiyat nüsxə (backup) alınır.

3. Mesajlaşma

Klinika seçiminə əsasən xəstələrə WhatsApp və ya SMS vasitəsilə randevu təsdiqi və xatırlatmaları göndərilir. WhatsApp mesajları klinikanın öz qoşduğu nömrədən gedir; SMS-lər lisenziyalı SMS provayderi üzərindən ötürülür. Mesaj mətnləri xidmətin göstərilməsi məqsədilə sistemdə loglanır.

4. Üçüncü tərəflərlə paylaşma

Məlumatlar üçüncü tərəflərə satılmır və paylaşılmır. Yeganə istisna: mesajların çatdırılması üçün istifadə olunan kanal provayderləri (WhatsApp, SMS operatoru) — onlara yalnız mesajın çatdırılması üçün zəruri olan nömrə və mətn ötürülür.

5. Məlumatların silinməsi

Klinika abunəliyini dayandırdıqda məlumatları saxlanılır ki, geri qayıtdıqda bərpa olunsun. Klinika məlumatlarının tam silinməsini istəsə, mireflan80@gmail.com ünvanına müraciət etməklə bütün verilənlər bazası geri qaytarılmadan silinir.

6. Əlaqə

Suallar üçün: mireflan80@gmail.com